![](https://alkhabrelyoum.com/wp-content/uploads/2023/06/1685899545184.jpg)
.. مفيش مستحيل..« صاحبة فكرة عمل update للتعليم» حلمي اوصل لسيادة الرئيس عبدالفتاح السيسي عشان أفيد بلدي
«ابنة محافظة القاهرة» تلخص قصة نجاح update للتعليم : عافر عشان حلمك يستاهل
يجب على الشخص أن يساعد نفسه في مواجهة صعوبات الحياة من خلال تقبل النتائج المحتملة للأمور ويتوجب عليه التعامل معها كتجربة حياتية يمكن التعلم منها والتصميم على أن يكون قويًا كي يستطيع المضي قدمًا في خطوات جديدة فمواجهة التحديات يمكن أن تشكل نقطة سيئة في البداية لكنها ستجعل من الإنسان شخصا آخر يكسب شخصية أفضل.
«التحديات تصنع النجاح» هذه الجملة عبرت عن مراحل من حياة «آية شريف» ابنة الـ21 عامًا، فلم يكن الطريق أمامها مفروشا بالورود تقول: حكايتي بدأت بعد 3 ثانوي عملت معادلة ومنجحتش فيها رغم انى تعبت كتير عشان اوصلها ضاع من عمري سنة وبعدها دخلت المعهد العالي للدراسات النوعية قسم هندسة برمجة.
لم تبالي الفتاة العشرينية بكلام الناس والاصدقاء الذي كان يؤلمها في بعض الأحيان بعد قرارها تضيف فتقول:” ناس كتير كانت فرحانة فيا وفرحانة انى منجحتش رغم انى عندى موهبه كبيرة فى التصميم الهندسي.
«من أول شهر اتعينت» هكذا كانت الأقدار ترتب لها سعادة من نوع جديد بعد المرور بالعديد من المواقف الصعبة و محاولات مستمرة للتغلب على اليأس والفشل، تستكمل فتقول:” أصبحت كابتن جيم اتعاقبت من بابا أن أنا ادفع مصاريف المعهد يعنى متكفلة بمصاريفى كان عقاب بابا هدفه هنا اعتمد على نفسي والعقاب ده ساعدنى انى اعافر ،بعد ما كنت كابتن فى الجيم بقيت ادارية وبعدها بقيت شئون عاملين النادى وحالياً أصبحت عضو فى اتحاد شباب مصر “.
لا يأس مع الحياة ولا حياة مع اليأس” هذه هي الكلمات التى عبرت حقيقة عن واقع قصة آية شريف ابنة محافظة القاهرة، تضيف:” ميأستش من الكلام اللى بيجيلى ميأستش من فرحة الناس فيا وحقيقي اكتشفت أن مجالى افضل بكتير من هندسة التصميم فضلت اعافر عشان اوصل لحلمي “.
لم تتوقف ثانية عن استكمال أهدافها الحياتية التي استطاعت أن تحققها في نهاية المطاف هتقول:” لكل مجتهد نصيب، جتلى فكرة انى اعمل ابلكيشن للصم والبكم بجانب فكرة ال update ،ابدأت أخد مرحلة التعليم والخطوات التنفيذية حتى تحقق المستحيل “.
اعربت الفتاة العشرينية عن هدفها من انشاء update للتعليم:” همي كله اني اساعد الشباب والأطفال أنهم يوصلو واجعل منهم مخترعين ومبدعين وبدل مافى سقوط ونجاح هيكون فى نجاح فقط واساعد بلدى أنها تبقي حاجه اكبر واكبر، وواثقة أن لو الفكرة دى لو اتنفذت مصر وشبابها سيصبحوا فى مكانة تانية الفكرة مش محتاجة فلوس نهائي”.
«حلمى اوصل لسيادة الرئيس» هذه الجملة لخصت حلم الفتاة المجتهدة حيث عُرف عن الرئيس السيسي تشجيعه الدائم للشباب المتميز ووقوفه بجانب المرأة واصحاب القدرات الخاصة دعما ومساندة لهم على تحقيق الأحلام.
ارجعت الفتاة المجتهدة الفضل بعد الله في تحقيق احلامها والدها ووالدتها تقول:” الفضل ليهم بعد ربنا و انا من غيرهم عمرى ماكنت هوصل هما ال جعلوا منى انسانة واثقة فى نفسها هما ال خلوني كدا بعد ربنا طبعا عاوزة اعمل اسم لنفسي”.
وجهت ابنة محافظة الجيزة العديد من النصايح للشباب في بداية حياتهم فتقول:” لا تيأس من الكلام السلبي واجعل التحدي عنوانك في كل خطوة، ولو لم يحالفك الحظ لتحقيق هدف معين غيره وحاول باسلوب جديد الحياة واسعة، ضع هدف و أجرى وراه أسعى هتقابل مطبات كتير فى حياتك بس اوعى تقع لازم عشان توصل تتعب، جدد حياتك وامشى ورا احلامك حتى لو حاسس انها مستحيله لان مافيش حاجه اسمها مستحيل عند ربنا أسعى لحد ماتوصل وتبقي فخر لأى حد ينطق اسمك”
وتستكمل قائلة:” نصيحتى لكل قارئ عيش اللحظة بلحظتها ولو موصلتش لحاجة معينة شوف هدف تانى زيها واوصله يوصلك ليها اجتهدوا واعملوا مشروع صغير يجيب المشروع الكبير بس اهم حاجه لازم تتعب عشان تحقق أهدافك وهتتحط تحت اختبارات كبيرة وتحديات من عند ربنا فا خليك واثق وعندك امل فى ربنا ودائما أن الله مع الصابرين”.