من هي سلسبيل حسين إمام

انا سلسبيل حسين
عندي ١٨ سنه
هوايتي الرسم
بدأت من صغري ٧ سنين ماما كانت بتجبلي قصص مرسومه و ألونها بدأت واحدة واحدة بأني أشف الرسمه و الونها وبعدين ابتديت احاول ارسم انا و الون كمان وكان كل رسمي كارتون كان بيطلع مضحك جدا وفعلا الرسمه مش حلوة ..
بسبب مسكتي للموبيل كتير نزلت ابلكيشن اسمه اسكتش بوك زيه زي الورق بالظبط بس الفكرة موفرلي ادوات و فرش كتيرر وكل الاوان ..
ورسمت اول مرة شخصيه كانت أحمد حلمي ..
ونزلتها ع الانستجرام وعملتله منشن و اتفاجئ بأنه نزلها عنده ودي كانت البداية ..
وقتها مكنتش اعرف ان الرسم ع الموبيل اسمه digital art اصلا..
ابتديت ارسم كارتون و اصحابي وانزل ع الانستجرام ..
و كمان كنت برسم ممثلين و بلوجرز مشهورين واعملهم منشن و يشوفوها فا ينزلوها عندهم ..
وبكدة رسمي يبتدي يتعرف ..
لحد ما في مرة ولد دخل طلب مني رسمه وبيقولي بكام وانا كنت معتادة ع اني ارسم ببلاش ..
و ساعتها قولتله الرسمه بـ ٣٠ جنيه وطبعا دة وقتها مكنش ليه اي علاقة بالسعر اللي الفنانين بيرسموا بيه…
كنت متابعه بئا ع السوشيال فنانين رسمهم حلو و بواقعيه مش ممكنه ..
كنت كل ما ادخل و اسئلهم بيعملوا ازاي كانوا يقلولي ادخلي و جربي محدش كان بيجاوب إجابة مباشرة ..
ابتديت من خلال اليوتيوب واتفرج ع فيديوهات واروح اطبق ع الرسمه ..
لحد ما ابتدي يطلب مني اوردرات وكانت كلها اون لاين ببعت الرسمه بس..
و بعدين اطلب مني رسمه تابلوه ابتديت اطبع الرسومات ع خشب و ابتديت اعرف اية احسن الانواع ..
وكان متوقف ع القاهرة والجيزة بس لحد ما اطلب مني اوردر من السعودية و وقتها انا مكنتش مصدقة و بعدها اطلب من الكويت و تركيا و الحمدلله..
رسمي بئا داخل و خارج مصر
و عملت براند بأسمي و سميته bella art
و كان عندي وقتها ١٥ سنه و لما تميت ١٧ جوجل وثقت البراند بتاعي و عملتلي داتا ..
حلمي فنون جميلة من صغري و ٣ث ربنا مأردش اني ادخل فنون جميلة..
وقتها كنت شايفة خلاص حياتي وقفت و اي كلية تانية مش هعرف انجح فيها ..
دخلت معهد عالي دراسات نوعيه قسم نظم و معلومات إداريه وبرمجه..
و بالصدفة بعد دخولي المعهد كان في مسابقة الوزارة عملاها للرسم ع مستوي جامعات ومعاهد مصر..
اشتركت فيها واخدت مركز تالت جمهورياً ع مستوي جامعات ومعاهد مصر الحمدلله..
وكان في ٣ث مشتركة في مسابقة في قصر الثقافة والفنون و النتيجه طلعت وانا في اولى جامعه والحمدلله اخدت مركز تالت جمهورياً ع مستوي الجمهورية..
و ابتديت احب المعهد واحب دراستي و اقتنعت ان ديما اختيار ربنا لينا احسن بكتير من اختيارنا وان اللي عايز يوصل لهدفه يثق بالله و يتأكد انه هيوصله مهما الناس احبطيته ..
زي ما حصل معايا في البداية ومحدش كان فاهم لسة اية الرسم الرقمي و فكرينه فوتوشوب..
و كان في مسابقة في المعهد من وزارة التعليم العالي للرسم اشتركت فيها واخدت مركز تاني جمهورياً من وزارة التعليم العالي..
و اتبعتتلي دعوة لحضور منتدي مؤنث عالم لتكريمي كأصغر سيدة اعمال لتوثيق البراند بتاعها من جوجل رسمياً..
في النهاية عايزة اقول كل دة مش اجتهاد مني دة توفيق من ربنا و علشان صدقت حلمي..
عايزة أشكر بابا وماما لأنهم السبب الاول و الرئيسي لدعمي واني أكمل ..
عايزة أشكر بابا قدام الكل علي تشجيعه عليا وعلي وقوفه جمبي في اي حاجة شكرا جدا يابابا