وجه الإعلامي خالد عليش، رسالة لابنته من زوجته الأولى عبر من خلالها عن افتقاده الكبير لها، بسبب الخلافات التي تجمع بينه وبين طليقته.
ونشر عليش صورة له برفقة طفلته عبر صفحته الشخصية بموقع “إنستجرام”، وعلق عليها قائلًا: “ابنتي العزيزة لن انساكي ابدا ليس لأني أملك ذاكرة قوية ولكن لأني امتلك قلبا لا ينسى من كان وسيظل به، صورتك لا تفارق مخيلتي، صوتك يهمس دائما في اذني، طيفك في احلامي، احاول اعتاد الصبر لعدم وجودك وانسجم في ملاهي الحياة لكن يظل حلم اللقاء هو الملاذ الوحيد، ربنا يجمعنا بخير قريب ويحنن القلوب ويدي كل واحد على قد نيته”.
تفاصيل أزمة خالد عليش وطليقته
عادت أزمة الفنان خالد عليش وطليقته ميما الشامي للظهور مرة أخرى بعد أن نشر الأول منشور عبر حسابه يهاجم طليقته التي ردت عليه، حيث كتب عبر حسابه بموقع “إنستجرام”: “في موقف حصل في آخر 2015 عمري ما أنساه كنت راكن عربيتي في مكان وكنت داخل مستشفى بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من قدام وحك العربية من معظم الأماكن”.
وأضاف: “كنت راجع البيت مش طايق نفسي حرفيا بس أول ما فتحت باب الشقة ميما بصلتي وهي صغنونة كده وابتسمتلي أول ابتسامة مباشرة ليا فضحكتلها أنا كمان ونسيت كل اللي مضايقني”.
وتابع: “أكتر حاجة مفتقدها هيما الابتسامة البريئة دي وحضنها الدافي بصوابعها الصغنونة قبل النوم، ربنا يجمعني بيكي على خير دايما ويوفقني في أي قرار يخصك”.
وردت ميما الشامي عبر خاصية ستوري بحسابها على إنستجرام: “للأسف أنا بقالي فترة بيتم استغلال اسمي واسم بنتي في حروب وتريندات مالناش دعوة بيها وكنت ماسكة نفسي عن عدم الرد مهما حصل.. وأنا هرد على نقطة إنه بيصدر للإعلام إن البنت ممنوعة منه وهو هيموت ويشوفها، ومش هتكلم عن أي حاجة تانية، وده عشان عمري ما هبدأ بالكلام عن أي حاجة غير لو اضطريت زي دلوقتي”.
وتابعت: “للأسف وبشهادة كل الناس اللي حواليا، الأب اللي عمال يتكلم عن محكمة الأسرة وحق الأب في رؤية بنته وكذا نقطة ومعايا الورق الرسمي لكل كلمة”.
وأضافت: “اتركوني أعيش في سلام وهدوء أنا وبنتي وأمي ومش عايزة أي حاجة لأن أنا لست بالذكاء الكافي للتحدث في السوشيال ميديا، ومبعرفش ألعب ألاعيبها خالص وممكن أكون بعك”.
وأردفت: “بعد الطلاق الرسمي اتفقنا على رؤية البنت وكان بيشوفها بانتظام وبشهادة كل الناس وبشهادة المدرسة، وفجأة في عيد ميلاد البنت عرفت إن فيه قضية مرفوعة من شهر 12، ومكنش معايا أي محامي لأني تنازلت عن كل القواضي مقابل قضية جنائية كان رفعها عليا”.
وأكملت: “الأمور وصلت لأنه بيتكلم مع أمهات أصحاب ميما في المدرسة وبلاقي ناس قاعدة بتتكلم معايا وعلى بنتي في أدق التفاصيل، وأتمنى عدم الضغط عليا بسبب الصور في أي حاجة تخص ميما عشان بلاش اضطر أرد”.
