الرسامه سارة صادق احمد

سارة صادق احمد وبقول اني فنانه تشكيليه رغم اني ملحقتش فنون جميله
في البدايه كنن برسم اي حاجه بشوفها قدامي وأهلي بدأو يجبولي أدوات ويطوروني لحد ما وصلت مرحله الإعدادي بدأت ارسم بورتريه كامل ومن الثانوي اشتغلت في رسم اللوحات البورتريه للأشخاص جمب دراستي في الثانوي
قررت ادخل فنون جميله عشان تحقق لقب فنانه تشكيليه ولكن معرفتش فا قررت احققه بنفسي بدون تعليم جامعي
الممارسه و التغذيه البصريه علموني ازاي اطور من رسمي وموهبتي
بدأت من بعد الرسم بالرصاص ارسم بالفحم ثم الوان الخشب ومن بعد كد دخلت في جميل الخامات زيت وااكريلك وبدأت ارسم علس الجدران في بلدي وفي المنصوره
حققت العديد من الانجازات في الرسم من مسابقات ومعارض فنيه ومنهم اخد مركز اول ومركز تاني ومنهم شهادات تقدير مختومه من نقابه الفنانين التشكيلين ب الدقهليه
حلمي اوصل للعالميه واني ابدا ادي كورس رسم واعمل معرض ب اسمي
من أصعب ما وجهته في الرسم هو الرسم علي الحائط فا انا كنت بحتاج سلم علشان اقف عليه وارسم علي جدران الشوارع
بالوان البلاستيك و البويه بس النقله دي زودت مستويا للاعلي وخلتني أعرف ارسم علي مساحات كبيره
خامات الزيت بيحتاج لها ألوان الزيت الوسيط ال بيكون تنر او زيت بذر الكتان عشان نخفف بيها للون وفرش كتير أشكال مختلفه
إنما الوان الخشب و الباستل فا تحتاج الألوان و اللوحه فقط
بحب جدا جدا رسم الفحم وهو المقرب لقلبي لابيض واسود واعرف اخرج عمل فني بدون ما يكون فيه نقطه الوان
بحب الرسم الفحم لانه من أجمل الخامات حرفيا ورسمت فيه رسومات كتيره
وبفضل رسم الأشخاص وخاصتا الأطفال بحس فيهم براءه زياده ومشاعر علي اوجههم وتفاصيل كتير تترسم
الرسم كان حلمي ومستقبلي ومازال حلمي ومستقبلي وهو اهم انجاز بعملو في حياتي بعيد عن حياتي الدراسيه