اصغر مدرس ف الوطن العربي ” مستر احمد عماد ” الشهير ب العمده
ديما لما بنسمع سيره التيك توك دمغنا تروح لفكره وحشه وهي الاسفاف و الرقص والاغاني وغيرووو.. بس المره دي مختلفه جدا ، شاب قدر يغير من فكره التيك توك دا مش كدا وبس دا قدر يغير كمان من فكره التعليم ومعامله المدرسين والطلاب ودا الي خلانا ندور عليه ،في الايام الاخيره ظهر شاب علي منصه “التيك توك”محتواه مختلف جدا ظهر وسط شباب صغيرين وبيقدمو يوميات مدرس وطلابو ودا الي سبب دهشه لبعض الناس الي كانت ديما تسأل “هو فين المدرس دا ” “اكيد بيهزر دا مش مدرس” والبعض الاخر يتغزل في طريقه المعامله مع الطلاب وفي شكلو الصغير الجميل ويقولو نفسنا يكون عندنا مدرس زيك ، قدر يوصل ل ١٠٠ الف متابع في اقل من شهرين وصفحتو تخطت ال ٣٥ مليون مشاهده ايوه متستغربش تعالا اقولك ان دا طبعا بسبب القبول الي ربنا رسمو علي وشو ، اتعرف ب اصغر مدرس في الوطن العربي ودا طبعا لصغر سنو وملامحو البسيطه الصغيره علي عكس المدرسين في الاجيال الي فاتت ودا كان سبب في ظهوره في برنامج رساله علي شاشات التلفزيون وقدر يوضح للناس انو فعلا مش بيهزر وذكر انو بيقدم تعليم بطريقه واسلوب جديد ونفسو يغير الاسلوب القديم عشان الطلاب تحب التعليم اكتر ولما اتسأل عن نجاحو الي كان في فتره بسيطه قال كل دا بتوفيق من ربنا ، واحنا لما شوفنا مثال زي دا من الشباب مقدرناش نستني لغايه مااتعرفنا علي ا/ احمد عماد محمد ” العمده” صاحب لقب اصغر مدرس في الوطن العربي مواليد محافظه المنصوره صاحب ال ٢٢ سنه وقدر يعرفنا ويفهمنا طريقتو واسلوبو الجديد لتوصيل المعلومه للطالب وان عندو لسه كتير هيقدمو وديما بيقول انا لسه معملتش حاجه وشوفنا في عينو الحماس والتشجيع وانهي الحوار بجمله انا طلابي دول عيلتي واخواتي الي من غيرهم مكنتش هبقا كدا ولا قدرتو توصالولي لغايه هنا . وقصه احمد دي لو في منها كتير كانت بلدنا راحت لاحسن مكان ، حبينا نقدملكوا نموذج ناجح زي غيرو كتير في مصر بس محتاجين نظره ومحتاجين حد يخرجهم للنور .
